పోలీసులు స్వాధీనం చేసుకున్న వాహనాలను యజమానులు సరైన పత్రాలు చూపించి తీసుకెళ్ళవచ్చు...

-- జిల్లా ఎస్పీ అఖిల్ మహాజన్.

Date : 04 July 2024 08:43 AM

Telugu Rekha Media - తెలంగాణ / రాజన్న సిరిసిల్ల : జిల్లాలోని అన్ని పోలీస్ స్టేషన్ల పరిధిలో పలు సందర్భాల్లో స్వాధీనం చేసుకున్న వాహనాలను మరియు వివిధ సందర్భాలలో సీజ్ చేయబడిన వాహనాలను వాహన యజమానులు 6 నెలలలోపు సరైన పత్రాలు చూపెట్టి వాహనాలను తీసుకెల్లోచు అని జిల్లా ఎస్పీ అఖిల్ మహాజన్ ఒక ప్రకటనలో తెలిపారు. జిల్లాలోని ఆయా పోలీస్ స్టేషన్లలో పలు సందర్భాల్లో స్వాధీనం చేసుకున్న వాహనాలు, యజమానులు తీసుకోకుండా ఉన్న వాహనాలు, గుర్తు తెలియని వాహనాలను జిల్లా పోలీస్ హెడ్ క్వార్టర్స్ కి తరలించినట్లు తెలిపారు. మొత్తం జిల్లా వ్యాప్తంగా ఆటోలు-09, కార్స్-2, సుమో-1, బైక్స్- 43 మొత్తం 55 వాహనాలు ఉన్నాయని తెలిపారు. ఆరు నెలల వ్యవధిలో సరైన ధృవ పత్రాలను చూపించి తిరిగి తీసుకోవచ్చని, ఒకవేళ వాహన యజమానులు లేనియెడల వారి కుటుంబ సభ్యులు సరైన పత్రాలు చూపెట్టి తీసుకవేళ్ళచు అని, లేని పక్షంలో ప్రభుత్వ నిబంధనలను అనుసరించి 6 నెలల తరువాత వాహనాలను వేలం వేయడం జరుగుతుంది అని అన్నారు. వాహన యజమానులు సంబంధిత పత్రాలతో ఈ రోజు నుండి ఆరు నెలల లోపు తడూర్ నందు గల పోలీస్ హెడ్ క్వార్టర్స్ లో మోటార్ వెహిల్ సెక్షన్ నందు సంప్రదించాలని ఇతరత్రా సమాచారం కోసం 87126 56428 ,90009 10619 ఫోన్ నంబర్లలను సంప్రంచాలని తెలిపారు.

వాహన యజమానులు 6 నెలలలోపు తీసుకెల్లని వాహనాలను వేలం వేయడం జరుగుతుందని, ఈ యొక్క వేలం 6 నెలల తరువాత నిర్వహించడం జరిగుతుందని, వేలం ఎప్పుడు అనేది మేము మీకు తెలియజేస్తామని అయన అన్నారు.